PAN card: ನಾಳೆಯಿಂದ ಹೊಸ ಪ್ಯಾನ್ ಕಾರ್ಡ್(PAN card)ಪಡೆಯಲು ಬಂದಿದೆ ಹೊಸ ನಿಯಮ, ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
PAN card:ನಿಮ್ಮ ಹಾಗೂ ನಿಮ್ಮ ಕುಟುಂಬದ ಸದಸ್ಯರಿಗಾಗಿ ಹೊಸ ಪ್ಯಾನ್ ಕಾರ್ಡ್ ಪಡೆಯುವ ಬಗ್ಗೆ ನೀವು ಯೋಚನೆ ಮಾಡ್ತಾ ಇದ್ದಿರಾ ನೀವು ಈ ಹೊಸ ನಿಯಮದ ಬಗ್ಗೆ ತಿಳಿದುಕೊಳ್ಳಬೇಕು. ಈ ಹೊಸ ನಿಯಮದ ಪ್ರಕಾರ, ಪ್ಯಾನ್ ಕಾರ್ಡ್(PAN card) ಪಡೆಯಲು ನೀವು ನಿಮ್ಮ ಆಧಾರ್ ಕಾರ್ಡ್ ಹೊಂದಿರಬೇಕು. ಕೇಂದ್ರೀಯ ನೇರ ತೆರಿಗೆ ಮಂಡಳಿ ಈ ಹೊಸ ನಿಯಮ ಜಾರಿಗೊಳಿಸಿದ್ದು, ಹೊಸ ಶಾಶ್ವತ ಖಾತೆ ಸಂಖ್ಯೆ (ಪ್ಯಾನ್) ಕಾರ್ಡ್‌ಗೆ ಆಧಾರ ಪರಿಶೀಲನೆ ಕಡ್ಡಾಯವಾಗಿರುತ್ತದೆ. ಈ ನಿಯಮವು 2025ರ ಜುಲೈ 1ರಿಂದ ಅನ್ವಯವಾಗಲಿದೆ. ಈ ಹಿಂದೆ ಪ್ಯಾನ್ ಕಾರ್ಡ್ ಪಡೆಯಲು ಆಧಾರ್‌ನ ಅಗತ್ಯವಿರಲಿಲ್ಲ. ಯಾವುದೇ ಮಾನ್ಯ ಗುರುತಿನ ಚೀಟಿ ಹಾಗೂ ಜನನ ಪ್ರಮಾಣಪತ್ರವು ಈ ಪ್ರಕ್ರಿಯೆಗೆ ಸಾಕಾಗಿತ್ತು. ಈ ಹಿನ್ನೆಲೆಯಲ್ಲಿ ಆನ್‌ಲೈನ್‌ ಮೂಲಕ ಪಾನ್‌- ಆಧಾರ್ ಲಿಂಕ್ ಮಾಡುವುದು ಹೇಗೆ ಡೌನ್ಲೋಡ್ ಮಾಡುವುದು ಹೇಗೆ ಎಂಬುದರ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತಿಳಿಯೋಣ ಬನ್ನಿ ಗೆಳೆಯರೆ…
ಪ್ಯಾನ್ ಕಾರ್ಡ್(PAN card) ಎಂದರೇನು?
ಪ್ಯಾನ್ ಕಾರ್ಡ್ (ಶಾಶ್ವತ ಖಾತೆ ಸಂಖ್ಯೆ) ಭಾರತದ ಎಲ್ಲಾ ತೆರಿಗೆದಾರರಿಗೆ ಆದಾಯ ತೆರಿಗೆ ಇಲಾಖೆಯು ನೀಡುವ ಪ್ರಮುಖ ಗುರುತಿನ ದಾಖಲೆಯಾಗಿದೆ. ಇದು ವ್ಯಕ್ತಿಗಳು ಹಾಗೂ ಘಟಕಗಳಿಗೆ ಸಂಬಂಧಿಸಿದ ಎಲ್ಲಾ ತೆರಿಗೆ-ಸಂಬಂಧಿತ ಮಾಹಿತಿಯನ್ನು ದಾಖಲಿಸುವ 10-ಅಂಕಿಯ ಆಲ್ಫಾನ್ಯೂಮರಿಕ್ ಕೋಡ್ ಆಗಿದೆ. ಪ್ಯಾನ್ ಕಾರ್ಡ್ ಹಣಕಾಸು ವಹಿವಾಟುಗಳಿಗೆ ಪ್ರಾಥಮಿಕ ಕೀಲಿಯಾಗಿ ಕಾರ್ಯನಿರ್ವಹಿಸುತ್ತದೆ. ಇದು ಬ್ಯಾಂಕಿಂಗ್, ತೆರಿಗೆ ಸಲ್ಲಿಕೆ ಹಾಗೂ ವ್ಯವಹಾರ ನೋಂದಣಿಗೆ ಕಡ್ಡಾಯ ದಾಖಲೆಯಾಗಿದೆ.
ಪ್ಯಾನ್ ಕಾರ್ಡ್(PAN card) ವಿಶೇಷತೆಗಳು ಏನು?
• ಕಾರ್ಡ್‌ದಾರರ ಹೆಸರು:- ವ್ಯಕ್ತಿಯ ಹೆಸರು, ಪಾಲುದಾರಿಕೆ ಸಂಸ್ಥೆ, LLP ಮತ್ತು ಕಂಪನಿ.
• ಕಾರ್ಡ್‌ದಾರರ ತಂದೆಯ ಹೆಸರು:- ವೈಯಕ್ತಿಕ ಕಾರ್ಡ್‌ದಾರರಿಗೆ ಮಾತ್ರ ಅನ್ವಯಿಸುತ್ತದೆ. ತಂದೆ ಮತ್ತು ತಾಯಿಯ ಹೆಸರನ್ನು (ಒಂಟಿ ಪೋಷಕರ ಸಂದರ್ಭದಲ್ಲಿ) ಮುದ್ರಿಸಲಾಗುತ್ತದೆ.
• ಜನ್ಮ ದಿನಾಂಕ:- ವ್ಯಕ್ತಿಯ ಸಂದರ್ಭದಲ್ಲಿ ಕಾರ್ಡ್‌ದಾರರ ಜನ್ಮ ದಿನಾಂಕ ಮತ್ತು ಕಂಪನಿ ಹಾಗೂ ಸಂಸ್ಥೆಯ ಸಂದರ್ಭದಲ್ಲಿ ನೋಂದಣಿ ದಿನಾಂಕ.
• ಪ್ಯಾನ್ ಸಂಖ್ಯೆ:- ಇದು 10-ಅಂಕಿಯ ಆಲ್ಫಾ-ನ್ಯೂಮರಿಕ್ ಸಂಖ್ಯೆ. ಪ್ರತಿಯೊಂದು ಅಕ್ಷರವು ಕಾರ್ಡ್ ಹೋಲ್ಡರ್ ಬಗ್ಗೆ ಮಾಹಿತಿಯನ್ನು ಪ್ರತಿನಿಧಿಸುತ್ತದೆ.
• ಸಹಿ:- ವೈಯಕ್ತಿಕ ಕಾರ್ಡ್‌ದಾರರರಿಗೆ ಮಾತ್ರ ಅನ್ವಯಿಸುತ್ತದೆ. ಹಣಕಾಸಿನ ವಹಿವಾಟುಗಳಿಗೆ ಅಗತ್ಯವಿರುವ ವ್ಯಕ್ತಿಯ ಸಹಿಯ ಪುರಾವೆಯಾಗಿಯೂ ಪ್ಯಾನ್ ಕಾರ್ಡ್ ಕಾರ್ಯನಿರ್ವಹಿಸುತ್ತದೆ.
• ವ್ಯಕ್ತಿಯ ಛಾಯಾಚಿತ್ರ:- ಪ್ಯಾನ್ ವ್ಯಕ್ತಿಯ ಫೋಟೋ ಗುರುತಿನ ಪುರಾವೆಯಾಗಿ ಕಾರ್ಯನಿರ್ವಹಿಸುತ್ತದೆ. ಕಂಪನಿಗಳು ಹಾಗೂ ಸಂಸ್ಥೆಗಳ ಸಂದರ್ಭದಲ್ಲಿ, ಕಾರ್ಡ್‌ನಲ್ಲಿ ಯಾವುದೇ ಛಾಯಾಚಿತ್ರ ಇರುವುದಿಲ್ಲ.
ಏನಿದು ಈ ಹೊಸ ಪ್ಯಾನ್ ಕಾರ್ಡ್(PAN card) ನಿಯಮ 2025?
• 2025ರ ಜುಲೈ 1ರ ನಂತರ ನೀವು ಹೊಸ ಪ್ಯಾನ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸಿದರೆ, ನೀವು ಆಧಾರ್ ಕಾರ್ಡ್ ಹೊಂದಿರುವುದು ಕಡ್ಡಾಯವಾಗಿರುತ್ತದೆ. ನಿಮ್ಮ ಪ್ಯಾನ್ ಕಾರ್ಡ್ ಅರ್ಜಿಯನ್ನು ಪ್ರಕ್ರಿಯೆಗೊಳಿಸಲು ನಿಮ್ಮ ಆಧಾರ ಕಾರ್ಡ್ ಅನ್ನು ಪರಿಶೀಲನಾ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ.
• ಆದಾಯ ತೆರಿಗೆ ಪೋರ್ಟಲ್ ಜುಲೈನಿಂದ ಅಂದರೆ ನಾಳೆಯಿಂದ ಹೊಸ ಅರ್ಜಿ ನಿಯಮಗಳನ್ನು ಜಾರಿಗೆ ತರಲಿದೆ. ಪ್ರಸ್ತುತ ಪ್ಯಾನ್ ಹೊಂದಿರುವವರು ತಮ್ಮ ಕಾರ್ಡ್‌ಗಳನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡುವುದು ಅಗತ್ಯವಾಗಿದೆ.
• ಈಗಿರುವ ಕಾರ್ಡ್ ಹೊಂದಿರುವವರು ಯಾವುದೇ ದಂಡವನ್ನು ವಿಧಿಸದೆ ಪ್ಯಾನ್ ಕಾರ್ಡ್(PAN card) ನೊಂದಿಗೆ ಆಧಾರ್ ಜೋಡಿಸಲು ಡಿಸೆಂಬರ್ 31,2025 ಕೊನೆಯ ದಿನವಾಗಿದೆ. ಆಧಾರ್‌ನೊಂದಿಗೆ ಲಿಂಕ್ ಮಾಡದ ಯಾವುದೇ ಪ್ಯಾನ್ ಕಾರ್ಡ್‌ಗಳು ಮುಂದಿನ ವರ್ಷದಿಂದ ಕಾರ್ಯನಿರ್ವಹಿಸುವುದಿಲ್ಲ.
• ವ್ಯಕ್ತಿಗಳು ಅನೇಕ ಪ್ಯಾನ್‌ಗಳನ್ನು ಪಡೆಯುವುದು ಮತ್ತು ತೆರಿಗೆ ವಂಚನೆ ಉದ್ದೇಶಗಳಿಗಾಗಿ ಇತರರ ಪ್ಯಾನ್‌ಗಳನ್ನು ಬಳಸುವುದು ಪತ್ತೆಯಾದ ನಂತರ ಆದಾಯ ತೆರಿಗೆ ಇಲಾಖೆಯು ಆಧಾರ್‌ನ ಜೋಡಣೆಯನ್ನು ಕಡ್ಡಾಯಗೊಳಿಸಿದೆ.
ಆಧಾರ್- ಪ್ಯಾನ್ ಕಾರ್ಡ್(PAN card) ಲಿಂಕ್ ಮಾಡಲು ಕೊನೆಯ ದಿನಾಂಕ ಯಾವಾಗ?
ಯಾವುದೇ ದಂಡವಿಲ್ಲದೆ ಅಸ್ತಿತ್ವದಲ್ಲಿರುವ ಪ್ಯಾನ್ ಕಾರ್ಡ್ ಹೊಂದಿರುವವರಿಗೆ, ಆಧಾರ್ ಅನ್ನು ಪ್ಯಾನ್ ಕಾರ್ಡ್(PAN card) ಜೊತೆ ಲಿಂಕ್ ಮಾಡಲು ಕೊನೆಯ ದಿನಾಂಕ ಡಿಸೆಂಬರ್ 31, 2025 ಆಗಿರುತ್ತದೆ. ಆಧಾರ್ ಜೊತೆ ಲಿಂಕ್ ಮಾಡದ ಪ್ಯಾನ್ ಕಾರ್ಡ್‌ಗಳನ್ನು ಮುಂದಿನ ವರ್ಷದಿಂದ ನಿಷ್ಕ್ರಿಯವಾಗುತ್ತವೆ. ಪ್ಯಾನ್ ಕಾರ್ಡ ಮಾಡಲು ಆಧಾರ್ ಕಡ್ಡಾಯಗೊಳಿಸುವುದರಿಂದ ನಕಲಿ ಪ್ಯಾನ್ ಕಾರ್ಡ್‌ಗಳ ವಹಿವಾಟುಗಳನ್ನು ತಡೆಯಬಹುದು ಎಂದು ತಜ್ಞರು ಹೇಳುತ್ತಾರೆ. ಆದಾಯ ತೆರಿಗೆ ಇಲಾಖೆಯ ಪ್ರಕಾರ, ಯಾವುದೇ ವ್ಯಕ್ತಿಗೆ ಒಂದಕ್ಕಿಂತ ಹೆಚ್ಚು ಪ್ಯಾನ್ ಕಾರ್ಡ್‌ಗಳನ್ನು ಹೊಂದಲು ಅವಕಾಶವಿಲ್ಲ. ಯಾರಾದರೂ ಒಂದಕ್ಕಿಂತ ಹೆಚ್ಚು ಪ್ಯಾನ್ ಕಾರ್ಡ್‌ಗಳನ್ನು ಹೊಂದಿರುವುದು ಕಂಡುಬಂದರೆ, 10,000 ರೂ.ಗಳ ದಂಡವನ್ನು ವಿಧಿಸಬಹುದು. ಅಧಿಕೃತ ದಾಖಲೆಗಳ ಪ್ರಕಾರ, ಭಾರತವು ಮಾರ್ಚ್ 2024 ರ ವೇಳೆಗೆ 740 ದಶಲಕ್ಷಕ್ಕೂ ಹೆಚ್ಚು ಪ್ಯಾನ್ ಬಳಕೆದಾರರನ್ನು ಹೊಂದಿದ್ದು, ಅದರಲ್ಲಿ ಸುಮಾರು 605 ದಶಲಕ್ಷ ಜನರು ಈಗಾಗಲೇ ತಮ್ಮ ಆಧಾರ್‌ನೊಂದಿಗೆ ಸಂಪರ್ಕ ಹೊಂದಿದ್ದಾರೆ.
ಪ್ಯಾನ್ ಕಾರ್ಡ್(PAN card)2.೦ ಎಂದರೇನು?
ಆದಾಯ ತೆರಿಗೆ ಇಲಾಖೆಯು ಪ್ಯಾನ್ ಕಾರ್ಡ್ (PAN card)2.೦ ಯೋಜನೆಯನ್ನು ರೂಪಿಸುತ್ತಿದೆ. ಇದು ಪ್ಯಾನ್ ಹಾಗೂ ಟ್ಯಾನ್ ಆಡಳಿತಾತ್ಮಕ ಚೌಕಟ್ಟನ್ನು ಡಿಜಿಟಲೀಕರಣಗೊಳಿಸುವ ಪ್ರಗತಿಯಾಗಿದೆ. ಈ ವರ್ಧಿತ ವ್ಯವಸ್ಥೆಯು ಏಕೀಕೃತ ವೇದಿಕೆಗಳ ಮೂಲಕ ಉತ್ತಮ ತೆರಿಗೆದಾರ ಸೇವೆಗಳನ್ನು ಒದಗಿಸಲು ಪ್ರಯತ್ನಿಸುತ್ತದೆ. ಇದು ಪ್ಯಾನ್ ಅಥವಾ ಟಿಎಎನ್(TAN) ರುಜುವಾತುಗಳನ್ನು ಹೊಂದಿರುವ ವ್ಯಕ್ತಿಗಳಿಗೆ ಸುವ್ಯವಸ್ಥಿತ ಕಾರ್ಯಾಚರಣೆಗಳನ್ನು ಖಾತ್ರಿಪಡಿಸುತ್ತದೆ.
ಪ್ಯಾನ್ ಕಾರ್ಡ್(PAN card) ಮತ್ತು ಆಧಾರ್ ಅನ್ನು ಆನ್‌ಲೈನ್‌ನಲ್ಲಿ ಲಿಂಕ್ ಮಾಡುವುದು ಹೇಗೆ?
• 1:- ಆದಾಯ ತೆರಿಗೆ ಇಲಾಖೆಯ ಅಧಿಕೃತ ವೆಬ್‌ಸೈಟ್‌ಗೆ (http://incometax.gov.in/ ) ಭೇಟಿ ನೀಡಿ ಮತ್ತು ಕ್ವಿಕ್ ಲಿಂಕ್‌ಗಳ ಅಡಿಯಲ್ಲಿ ‘ಲಿಂಕ್ ಆಧಾರ್’ ಆಯ್ಕೆಮಾಡಿ.
• 2:- ಆಧಾರ್ ಹಾಗೂ ಪ್ಯಾನ್ ವಿವರಗಳನ್ನು ನಮೂದಿಸಿ. ದಂಡವನ್ನು ಪಾವತಿಸಲು ‘ಇ-ಪೇ ತೆರಿಗೆ’ ಪಾವತಿಸಿ.
• 3:- 4-5 ದಿನಗಳ ನಂತರ, incometax.gov.in ನಲ್ಲಿ ‘ಲಿಂಕ್ ಆಧಾರ್’ ಗೆ ಭೇಟಿ ನೀಡಿ, OTP ಯೊಂದಿಗೆ ಮೌಲ್ಯೀಕರಿಸಿ ಮತ್ತು ಸಲ್ಲಿಸಿ.
ಆಧಾರ್ ಸಂಖ್ಯೆಯಿಂದ ಪ್ಯಾನ್ ಕಾರ್ಡ್(PAN card) ಡೌನ್ಲೋಡ್ ಮಾಡುವುದು ಹೇಗೆ?
• ನಿಮ್ಮ ಬಳಿ ಪ್ಯಾನ್ ಕಾರ್ಡ್(PAN card) ಸಂಖ್ಯೆ ಇಲ್ಲದಿದ್ದರೆ ಹಾಗೂ ನಿಮ್ಮ ಪ್ಯಾನ್ ಕಾರ್ಡ್ ಡೌನ್ಲೋಡ್ ಮಾಡಲು ಸಾಧ್ಯವಾಗದಿದ್ದರೆ, ಚಿಂತಿಸುವ ಅಗತ್ಯವಿಲ್ಲ! ನೀವು ಈಗ ನಿಮ್ಮ ಆಧಾರ್ ಕಾರ್ಡ್ ಮೂಲಕ ನಿಮ್ಮ ಪ್ಯಾನ್ ಕಾರ್ಡ್ ಡೌನ್ಲೋಡ್ ಮಾಡಬಹುದು. ನಿಮ್ಮ ಆಧಾರ್ ಸಂಖ್ಯೆಯನ್ನು ಬಳಸಿಕೊಂಡು ನಿಮ್ಮ ಪ್ಯಾನ್ ಕಾರ್ಡ್(PAN card) ಡೌನ್ಲೋಡ್ ಮಾಡುವ ಪ್ರಮುಖ ಹಂತಗಳು ಈ ಕೆಳಗಿನಂತಿವೆ.
• ಆದಾಯ ತೆರಿಗೆ ಇಲಾಖೆಯ ಅಧಿಕೃತ ವೆಬ್‌ಸೈಟ್‌ https://eportal.incometax.gov.in/ ಗೆ ಭೇಟಿ ನೀಡಿ. ಮುಖಪುಟದಲ್ಲಿಯೇ ನೀವು “ತತ್ಕ್ಷಣ ಇ-ಪ್ಯಾನ್” ಆಯ್ಕೆಯನ್ನು ನೋಡುತ್ತೀರಿ.
• ಹೊಸ ಇ-ಪ್ಯಾನ್ ಪಡೆಯಿರಿ” ಬಟನ್ ಮೇಲೆ ಕ್ಲಿಕ್ ಮಾಡಿ.
• ನೀವು ನಿಮ್ಮ 12-ಅಂಕಿಯ ಆಧಾರ್ ಸಂಖ್ಯೆಯನ್ನು ನಮೂದಿಸಬೇಕಾಗುತ್ತದೆ. ನೀವು ಅದನ್ನು ಸಲ್ಲಿಸಿದ ನಂತರ, ನಿಮ್ಮ ಆಧಾರ್‌ಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ.
• ನೀವು ಸ್ವೀಕರಿಸಿದ OTP ಅನ್ನು ನಮೂದಿಸಿ ಹಾಗೂ ಅದನ್ನು ದೃಢೀಕರಿಸಿ.
• ನಿಮ್ಮ ಆಧಾರ್ ವಿವರಗಳನ್ನು ಯಶಸ್ವಿಯಾಗಿ ಪರಿಶೀಲಿಸಿದ ನಂತರ, ನಿಮ್ಮ PAN card-ಸಂಬಂಧಿತ ಮಾಹಿತಿಯನ್ನು ನವೀಕರಿಸಲು ನಿಮಗೆ ಆಯ್ಕೆ ಇರುತ್ತದೆ.
- Read more…
ಎಸ್.ಎಸ್.ಎಲ್.ಸಿ ಪರೀಕ್ಷೆ-3ಕ್ಕೆ(SSLC EXAM -3) ಹಾಜರಾಗುತ್ತಿರುವ ವಿದ್ಯಾರ್ಥಿಗಳ ಅಂತಿಮ ಪ್ರವೇಶ ಪತ್ರಗಳನ್ನು ಪ್ರಕಟಿಸಲಾಗಿದೆ.
• ಎಲ್ಲಾ ಮಾಹಿತಿಯನ್ನು ದೃಢೀಕರಿಸಿದ ನಂತರ, ನೀವು “PAN card PDF ಅನ್ನು ಡೌನ್ಲೋಡ್ ಮಾಡಿ” ಆಯ್ಕೆಯನ್ನು ನೋಡುತ್ತೀರಿ. ಇದನ್ನು ಕ್ಲಿಕ್ ಮಾಡುವ ಮೂಲಕ, ನಿಮ್ಮ ಇ-ಪ್ಯಾನ್ ಕಾರ್ಡ್(PAN card) ಅನ್ನು ನಿಮ್ಮ ನೋಂದಾಯಿತ ಇಮೇಲ್ ವಿಳಾಸಕ್ಕೆ ಕಳುಹಿಸಲಾಗುತ್ತದೆ.
