Podi Nakshe Scheme: ನಿಮ್ಮ ಮೊಬೈಲ್‌ನಲ್ಲಿ ಇನ್ನೂ ಮುಂದೆ ಜಮೀನಿನ ಪೋಡಿ ನಕ್ಷೆ(Podi Nakshe) ಪಡೆಯುವುದು ಹೇಗೆ? ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
Podi Nakshe Scheme:ಬಹುಮಾಲಿಕತ್ವದ ಭೂಮಿಯ ಸ್ವಾಧೀನದಲ್ಲಿರುವ ರೈತರಿಗೆ ತಮ್ಮ ಹೆಸರಿನಲ್ಲಿ ಪ್ರತ್ಯೇಕ ದಾಖಲೆ ಪಡೆಯುವುದು ಮುಖ್ಯವಾಗಿದೆ. ಈ ನಿಟ್ಟಿನಲ್ಲಿ “ತತ್ಕಾಲ್ ಪೋಡಿ(Podi Nakshe)” ಎನ್ನುವ ಈ ವ್ಯವಸ್ಥೆಯೂ ರೈತರಿಗೆ ಭೂಮಿಯನ್ನು ಕಾನೂನುಬದ್ಧವಾಗಿ ವಿಭಜಿಸಿ,ಮತ್ತು ಪ್ರತ್ಯೇಕ ಹಕ್ಕು ಪತ್ರ ಪಡೆಯಲು ಸಹಕಾರಿಯಾಗುತ್ತಿದೆ. ಇದಕ್ಕಾಗಿ ನೀವು ಕಚೇರಿಗಳಿಗೆ ಅಲೆಯಬೇಕಾಗಿಲ್ಲ. ಮನೆಯಲ್ಲೇ ಕುಳಿತು ನಿಮ್ಮ ಮೊಬೈಲ್‌ನಲ್ಲೇ ನಿಮ್ಮ ಜಮೀನಿನ ಪೋಡಿ(Podi Nakshe) ನಕ್ಷೆಯನ್ನು ಪಡೆಯಬಹುದು. ಇದರಿಂದ ಸರ್ಕಾರದ ಹಲವಾರು ಯೋಜನೆಗಳು ಮತ್ತು ಸೌಲಭ್ಯಗಳ ಲಾಭ ಪಡೆಯಲು ಹಾಗೂ ಬ್ಯಾಂಕ್‌ಗಳಲ್ಲಿ ಸಾಲ ಪಡೆಯಲು ಸಾಧ್ಯವಾಗುತ್ತದೆ. ಈ ಹಿನ್ನೆಲೆಯಲ್ಲಿ ಪೋಡಿ ಎಂದರೇನು? ಅದರ ಪ್ರಯೋಜನಗಳೇನು? ಪೋಡಿ ನಕ್ಷೆ ಪಡೆಯುವುದು ಹೇಗೆ ಎಂಬ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತಿಳಿಯೋಣ ಬನ್ನಿ ಸ್ನೇಹಿತರೆ…
ಪೋಡಿ ನಕ್ಷೆ ಎಂದರೇನು(Podi Nakshe) ಮತ್ತು ಅದು ಏಕೆ ಮಹತ್ವದ್ದಾಗಿದೆ?
ಪೋಡಿ ಎಂದರೆ ಒಂದು ಸರ್ವೇ ನಂಬರ್‌ನಲ್ಲಿ ಒಂದಕ್ಕಿಂತ ಹೆಚ್ಚು ಮಾಲೀಕರ ಹೆಸರುಗಳಿದ್ದಾಗ, ಆ ಜಮೀನನ್ನು ವಿಭಜಿಸಿ ಪ್ರತಿಯೊಬ್ಬ ಮಾಲೀಕರಿಗೂ ಪ್ರತ್ಯೇಕ ಹಿಸ್ಸಾ (ಉಪ-ವಿಭಾಗ) ಸಂಖ್ಯೆ ಮತ್ತು ಪ್ರತ್ಯೇಕ ಆರ್‌ಟಿಸಿ(RTC) ಅಥವಾ ಪಹಣಿ (ಭೂ ಮಾಲೀಕತ್ವದ ದಾಖಲೆ) ನೀಡುವುದು. ಅನೇಕ ಕುಟುಂಬಗಳು ಅವಿಭಕ್ತವಾಗಿದ್ದರೂ, ಅವರ ಜಮೀನು ಖಾತೆಗಳು ಇನ್ನೂ ಸಹ ಜಂಟಿಯಾಗಿರುತ್ತವೆ. ಸಹೋದರರ ನಡುವಿನ ವ್ಯಾಜ್ಯಗಳು, ಸೂಕ್ತ ದಾಖಲೆಗಳ ಕೊರತೆ, ಮತ್ತು ಪ್ರತ್ಯೇಕ ಆರ್‌ಟಿಸಿ ಪಡೆಯುವಲ್ಲಿನ ನಿರ್ಲಕ್ಷ್ಯದಿಂದಾಗಿ ಬಹುಮಾಲೀಕತ್ವದ ಪಹಣಿಗಳು ಮುಂದುವರಿಯುತ್ತವೆ. ಇದು ಜಮೀನು ಮಾರಾಟ, ಖರೀದಿ, ಬ್ಯಾಂಕ್ ಲೋನ್ ಅರ್ಜಿ, ಹಾಗೂ ಸರ್ಕಾರಿ ಯೋಜನೆಗಳ ಲಾಭ ಪಡೆಯಲು ಅಡ್ಡಿಯಾಗಬಹುದು. ಪೋಡಿಯ ಮುಖ್ಯ ಉದ್ದೇಶವೆಂದರೆ ಭೂ ಮಾಲೀಕತ್ವವನ್ನು ಸ್ಪಷ್ಟಪಡಿಸುವುದು, ವಿವಾದಗಳನ್ನು ಕಡಿಮೆ ಮಾಡುವುದು ಹಾಗೂ ಅನ್ನದಾತರಿಗೆ ಸರ್ಕಾರದ ಸೌಲಭ್ಯಗಳನ್ನು ತಡೆರಹಿತವಾಗಿ ಪಡೆಯಲು ಅನುಕೂಲ ಮಾಡಿಕೊಡುವುದು. ಪ್ರತ್ಯೇಕ ಪಹಣಿ ಹೊಂದುವುದರಿಂದ ರೈತರು ತಮ್ಮ ಜಮೀನನ್ನು ಸುಲಭವಾಗಿ ಮಾರಾಟ ಮಾಡಬಹುದು, ಹಸ್ತಾಂತರಿಸಬಹುದು, ಮತ್ತು ಗಿರವಿ ಇಡಬಹುದು.
ಪೋಡಿಯ ನಕ್ಷೆಯ(Podi Nakshe) ವಿಧಗಳು.
ಪೋಡಿಯಲ್ಲಿ ಪ್ರಮುಖವಾಗಿ 4 ವಿಧಗಳಿವೆ.
ಪೋಡಿ ನಕ್ಷೆಯ(Podi Nakshe)ಯ ಮಹತ್ವ ಏನು?
ಪೋಡಿ ನಕ್ಷೆ(Podi Nakshe) ಒಂದು ಜಮೀನಿನ ಸರ್ವೇ ನಂಬರ್, ಗಡಿ, ವಿಸ್ತೀರ್ಣ ಹಾಗೂ ಇತರ ಮಾಹಿತಿಗಳನ್ನು ತೋರಿಸುವ ಅಧಿಕೃತ ದಾಖಲೆಯಾಗಿದೆ. ಇದು ಈ ಕೆಳಗಿನ ಸಂದರ್ಭಗಳಲ್ಲಿ ಪೋಡಿ ನಕ್ಷೆಯ ಅಗತ್ಯವಿರುತ್ತದೆ.
• ಜಮೀನು ಮಾರಾಟ ಮತ್ತು ಖರೀದಿ.
• ಬ್ಯಾಂಕ್ ಲೋನ್ಗೆ ಅರ್ಜಿ ಸಲ್ಲಿಕೆ.
• ಭೂಮಿ ವಿಭಜನೆ (ಪಾಲು ಬದಲಾವಣೆ).
• ಸರ್ಕಾರಿ ಯೋಜನೆಗಳ ಅನುಷ್ಠಾನ.
• ಕಾನೂನು ವಿವಾದಗಳಲ್ಲಿ ಪುರಾವೆಯಾಗಿ.
Podi Nakshe ಯಿಂದ ಡಿಜಿಟಲ್ ಪ್ರಯೋಜನಗಳು.
ಪೋಡಿ ನಕ್ಷೆ(Podi Nakshe) ಮತ್ತು ಆರ್‌ಟಿಸಿ(RTC)ಯ ಡಿಜಿಟಲ್ ಲಭ್ಯತೆಯು ಹಲವಾರು ಪ್ರಯೋಜನಗಳನ್ನು ಹೊಂದಿದೆ.
• ಸಮಯ ಹಾಗೂ ಹಣದ ಉಳಿತಾಯ:- ಕಚೇರಿಗಳಿಗೆ ಪದೇ ಪದೇ ಹೋಗುವ ಅಗತ್ಯವಿಲ್ಲ.
• ಪಾರದರ್ಶಕತೆ:- ಎಲ್ಲಾ ದಾಖಲಾತಿಗಳು ಆನ್‌ಲೈನ್‌ನಲ್ಲಿ ಲಭ್ಯವಿರುವುದರಿಂದ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ಹೆಚ್ಚುತ್ತದೆ.
• ಸುರಕ್ಷಿತ ಡಿಜಿಟಲ್ ಸ್ಟೋರೇಜ್:- ನಿಮ್ಮ ದಾಖಲೆಗಳು ಕಳೆದುಹೋಗುವ ಭಯವಿಲ್ಲ.
• ಸುಲಭ ನವೀಕರಣ:- ನಿಮ್ಮ ದಾಖಲೆಗಳನ್ನು ಸುಲಭವಾಗಿ ನವೀಕರಿಸಬಹುದು.
ಪೋಡಿ ನಕ್ಷೆ(Podi Nakshe) ಮತ್ತು ಆರ್‌ಟಿಸಿ(RTC)ಯನ್ನು ಆನ್‌ಲೈನ್‌ನಲ್ಲಿ ಪಡೆಯುವ ವಿಧಾನ ಹೇಗೆ?
ಕರ್ನಾಟಕ ಸರ್ಕಾರವು ರೈತರಿಗೆ ತಮ್ಮ ಭೂಮಿಯ ದಾಖಲೆಗಳನ್ನು ಸುಲಭವಾಗಿ ಪಡೆಯಲು ಡಿಜಿಟಲ್ ವೇದಿಕೆಗಳನ್ನು ಒದಗಿಸಿದೆ. ಭೂಮಿ ಆನ್‌ಲೈನ್‌ ಪೋರ್ಟಲ್‌ ಮೂಲಕ ನೀವು ಜಮೀನಿನ ಪೋಡಿ ನಕ್ಷೆ(Podi Nakshe)ಯನ್ನು ಸುಲಭವಾಗಿ ಪಡೆಯಲು ಸಾಧ್ಯವಿದೆ.
ನಿಮ್ಮ ಮೊಬೈಲ್ ಮೂಲಕ ಪೋಡಿ ನಕ್ಷೆ(Podi Nakshe) ಪಡೆಯುವ ವಿಧಾನ.
• ಭೂಮಿ ಆನ್‌ಲೈನ್‌ ಪೋರ್ಟಲ್‌ https://bhoomojini.karnataka.gov.in/Service27 ಗೆ ಭೇಟಿ ನೀಡಿ.
• ನಿಮ್ಮ ಮೊಬೈಲ್ ನಂಬರ್ ಹಾಗೂ ಕ್ಯಾಪ್ಚಾ ಕೋಡ್ ನಮೂದಿಸಿ “ಲಾಗಿನ್” ಕ್ಲಿಕ್ ಮಾಡಿ.
• “ಹೊಸ ಅರ್ಜಿ” ಆಯ್ಕೆ ಮಾಡಿ, ಅಲ್ಲಿ ನಿಮ್ಮ ವೈಯಕ್ತಿಕ ಮಾಹಿತಿ (ಆಧಾರ್ ಕಾರ್ಡ್ ಹೆಸರು, ಜಿಲ್ಲೆ, ತಾಲೂಕು, ಹೋಬಳಿ, ಗ್ರಾಮ) ಭರ್ತಿ ಮಾಡಿ.
• ನಿಮ್ಮ ಜಮೀನಿನ ವಿವರಗಳನ್ನು (ಸರ್ವೇ ನಂಬರ್, ಹೋಬಳಿ, ಗ್ರಾಮ) ನೀಡಿ.
• ಅರ್ಜಿ ಸಲ್ಲಿಸಿದ ನಂತರ, ಪೋಡಿ ನಕ್ಷೆ(Podi Nakshe) ಯನ್ನು PDF ರೂಪದಲ್ಲಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
ಕಂದಾಯ ನಕ್ಷೆ (RTC) ಆನ್‌ಲೈನ್‌ನಲ್ಲಿ ಪಡೆಯುವ ವಿಧಾನ ಹೇಗೆ?
• ಕರ್ನಾಟಕ ಭೂ ದಾಖಲೆಗಳ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ: https://landrecords.karnataka.gov.in/service3/
• ಡ್ರಾಪ್-ಡೌನ್ ಮೆನುಗಳಿಂದ ನಿಮ್ಮ ಜಿಲ್ಲೆ, ತಾಲೂಕು, ಹೋಬಳಿ ಹಾಗೂ ಗ್ರಾಮವನ್ನು ಆಯ್ಕೆಮಾಡಿ.
• ಆಯ್ಕೆ ಮಾಡಿದ ನಂತರ, ಆ ಗ್ರಾಮದ ಎಲ್ಲಾ ಜಮೀನುಗಳ ಆರ್‌ಟಿಸಿ(RTC) ನಕ್ಷೆ PDF ರೂಪದಲ್ಲಿ ತೆರೆಯುತ್ತದೆ.
• ನಿಮಗೆ ಬೇಕಾದ ನಕ್ಷೆಯನ್ನು PDF ಆಗಿ ಡೌನ್‌ಲೋಡ್ ಮಾಡಿಕೊಳ್ಳಿ.
- Read more…
2025-26 ಶೈಕ್ಷಣಿಕ ಎಸ್ಸೆಸ್ಸೆಲ್ಸಿ ಫಲಿತಾಂಶ(SSLC RESULT) ವೃದ್ಧಿಗೆ ಇನ್ನೂ ಮುಂದೆ ಮಧ್ಯವಾರ್ಷಿಕ, ಪ್ರಿಪರೇಟರಿ ಪರೀಕ್ಷೆಗೂ ವೆಬ್ ಕಾಸ್ಟಿಂಗ್.
ಪೋಡಿ(Podi) ಪ್ರಕ್ರಿಯೆಯೂ ವಿಳಂಬವಾಗಲು ಪ್ರಮುಖ ಕಾರಣಗಳು.
ಅವಿಭಕ್ತ ಕುಟುಂಬಗಳು ಬೇರೆಯಾಗಿದ್ದರೂ ಜಮೀನುಗಳು ಇನ್ನೂ ಜಂಟಿಯಾಗಿ ಉಳಿಯಿರುವುದು, ಸಹೋದರರ ನಡುವೆ ವಿವಾದಗಳು, ಪೂರಕ ದಾಖಲೆಗಳ ಕೊರತೆ ಮುಂತಾದವು ಪ್ರತ್ಯೇಕ ಪೋಡಿ ಪಡೆಯಲು ಪ್ರಮುಖವಾಗಿ ಅಡ್ಡಿಯಾಗಿವೆ. ಕೆಲವರು ತಂತ್ರಜ್ಞಾನ ಅರಿವಿಲ್ಲದ ಕಾರಣದಿಂದ ಪ್ರತ್ಯೇಕ RTC ಪಡೆಯಲು ಮುಂದಾಗುವುದಿಲ್ಲ. ಇದರ ಪರಿಣಾಮವಾಗಿ, ಜಮೀನುಗಳ ಮೇಲೆ ಹಕ್ಕು ಬಹುಮಾಲಿಕತ್ವದಲ್ಲೇ ಉಳಿಯುತ್ತದೆ.
