Kalaburagi Division Karnataka 2026: ಕಲಬುರಗಿ ವಿಭಾಗದಲ್ಲಿ ಒಟ್ಟು ಏಳು ಜಿಲ್ಲೆಗಳಿವೆ. ಅವುಗಳೆಂದರೆ ಕಲಬುರಗಿ, ಬೀದರ್, ಬಳ್ಳಾರಿ, ವಿಜಯನಗರ, ರಾಯಚೂರು, ಕೊಪ್ಪಳ ಮತ್ತು ಯಾದಗಿರಿ. ಪ್ರಾರಂಭದಲ್ಲಿ ಈ ವಿಭಾಗದಲ್ಲಿ ನಾಲ್ಕು ಜಿಲ್ಲೆಗಳು ಮಾತ್ರ ಇದ್ದವು. ನಂತರ ಆಡಳಿತ ಸುಗಮವಾಗುವ ಉದ್ದೇಶದಿಂದ ಕೆಲವು ಜಿಲ್ಲೆಗಳನ್ನು ವಿಭಜಿಸಲಾಯಿತು. 1997ರಲ್ಲಿ ರಾಯಚೂರು ಜಿಲ್ಲೆಯನ್ನು ವಿಭಜಿಸಿ ಕೊಪ್ಪಳ ಜಿಲ್ಲೆಯನ್ನು ಸ್ಥಾಪಿಸಲಾಯಿತು. ಬಳಿಕ ಕಲಬುರಗಿ ಜಿಲ್ಲೆಯನ್ನು ವಿಭಜಿಸಿ 2009ರ ಡಿಸೆಂಬರ್ 31ರಂದು ಯಾದಗಿರಿ ಜಿಲ್ಲೆಯನ್ನು ರಚಿಸಲಾಯಿತು. ಇತ್ತೀಚೆಗೆ 2021ರ ಅಕ್ಟೋಬರ್ 2ರಂದು ಬಳ್ಳಾರಿ ಜಿಲ್ಲೆಯನ್ನು ವಿಭಜಿಸಿ ವಿಜಯನಗರ ಎಂಬ ಹೊಸ ಜಿಲ್ಲೆಯನ್ನು ನಿರ್ಮಿಸಲಾಯಿತು.
Kalaburagi Division Karnataka 2026: ಕಲಬುರಗಿ ವಿಭಾಗ – GPSTR 1 ಅಂಕ ಪ್ರಶ್ನೋತ್ತರಗಳು
1. ಕಲಬುರಗಿ ವಿಭಾಗದಲ್ಲಿ ಎಷ್ಟು ಜಿಲ್ಲೆಗಳಿವೆ?
ಉತ್ತರ: 7 ಜಿಲ್ಲೆಗಳು.
2. ಕಲಬುರಗಿ ವಿಭಾಗದ ಜಿಲ್ಲೆಗಳು ಯಾವುವು?
ಉತ್ತರ: ಬೀದರ್, ಕಲಬುರಗಿ, ಯಾದಗಿರಿ, ರಾಯಚೂರು, ಕೊಪ್ಪಳ, ಬಳ್ಳಾರಿ, ವಿಜಯನಗರ.
3. ಕೊಪ್ಪಳ ಜಿಲ್ಲೆಯನ್ನು ಯಾವ ವರ್ಷದಲ್ಲಿ ರಚಿಸಲಾಯಿತು?
ಉತ್ತರ: 1997ರಲ್ಲಿ.
4. ಯಾದಗಿರಿ ಜಿಲ್ಲೆಯನ್ನು ಯಾವ ದಿನಾಂಕದಲ್ಲಿ ರಚಿಸಲಾಯಿತು?
ಉತ್ತರ: ಡಿಸೆಂಬರ್ 31, 2009.
5. ವಿಜಯನಗರ ಜಿಲ್ಲೆಯನ್ನು ಯಾವ ದಿನಾಂಕದಲ್ಲಿ ರಚಿಸಲಾಯಿತು?
ಉತ್ತರ: ಅಕ್ಟೋಬರ್ 2, 2021.
6. ರಾಷ್ಟ್ರಕೂಟರ ರಾಜಧಾನಿ ಮಾನ್ಯಖೇಟ ಇಂದಿನ ಯಾವ ಸ್ಥಳ?
ಉತ್ತರ: ಮಳಖೇಡ.
7. ಕಲ್ಯಾಣ ಚಾಲುಕ್ಯರ ರಾಜಧಾನಿ ಯಾವುದು?
ಉತ್ತರ: ಬಸವಕಲ್ಯಾಣ.
8. ವಿಜಯನಗರ ಸಾಮ್ರಾಜ್ಯದ ರಾಜಧಾನಿ ಯಾವುದು?
ಉತ್ತರ: ಹಂಪಿ.
9. ಬಹಮನಿ ಸಾಮ್ರಾಜ್ಯದ ರಾಜಧಾನಿ ಯಾವುದು?
ಉತ್ತರ: ಕಲಬುರಗಿ.
10. ಹೈದರಾಬಾದ್ ನಿಜಾಮ್ ಸಂಸ್ಥಾನ ಭಾರತಕ್ಕೆ ಯಾವ ವರ್ಷದಲ್ಲಿ ವಿಲೀನಗೊಂಡಿತು?
ಉತ್ತರ: 1948ರಲ್ಲಿ.
11. ನಿಜಾಮ್ ಸಂಸ್ಥಾನ ಭಾರತಕ್ಕೆ ಯಾವ ದಿನಾಂಕದಲ್ಲಿ ವಿಲೀನಗೊಂಡಿತು?
ಉತ್ತರ: ಸೆಪ್ಟೆಂಬರ್ 17, 1948.
12. ಹೈದರಾಬಾದ್ ಕರ್ನಾಟಕ ವಿಮೋಚನಾ ಹೋರಾಟದ ನಾಯಕ ಯಾರು?
ಉತ್ತರ: ಸ್ವಾಮಿ ರಮಾನಂದ ತೀರ್ಥ.
13. ನಿಜಾಮನ ಖಾಸಗಿ ಸೇನೆಯನ್ನು ಏನೆಂದು ಕರೆಯಲಾಗುತ್ತಿತ್ತು?
ಉತ್ತರ: ರಜಾಕಾರರು.
14. ಕೇಂದ್ರ ಸರ್ಕಾರದ ಗೃಹ ಸಚಿವರಾಗಿದ್ದವರು ಯಾರು?
ಉತ್ತರ: ಸರ್ದಾರ್ ವಲ್ಲಭಭಾಯಿ ಪಟೇಲ್.
15. ಕಲಬುರಗಿ ವಿಭಾಗದ ಪ್ರಮುಖ ನದಿಗಳು ಯಾವುವು?
ಉತ್ತರ: ಭೀಮ, ತುಂಗಭದ್ರ, ಕೃಷ್ಣ.
16. ಕಾರಂಜಾ ಅಣೆಕಟ್ಟು ಯಾವ ಜಿಲ್ಲೆಯಲ್ಲಿದೆ?
ಉತ್ತರ: ಬೀದರ್ ಜಿಲ್ಲೆ.
17. ತುಂಗಭದ್ರಾ ಅಣೆಕಟ್ಟು ಯಾವ ಜಿಲ್ಲೆಗಳಿಗೆ ನೀರಾವರಿ ಒದಗಿಸುತ್ತದೆ?
ಉತ್ತರ: ಬಳ್ಳಾರಿ ಮತ್ತು ವಿಜಯನಗರ.
18. ಬಸವಸಾಗರ ಅಣೆಕಟ್ಟು ಯಾವ ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿದೆ?
ಉತ್ತರ: ಕೃಷ್ಣ ನದಿ.
19. ದರೋಜಿ ಕರಡಿ ಧಾಮ ಯಾವ ಜಿಲ್ಲೆಯಲ್ಲಿದೆ?
ಉತ್ತರ: ಬಳ್ಳಾರಿ ಜಿಲ್ಲೆ.
20. ಹಟ್ಟಿ ಚಿನ್ನದ ಗಣಿ ಯಾವ ಜಿಲ್ಲೆಯಲ್ಲಿದೆ?
ಉತ್ತರ: ರಾಯಚೂರು ಜಿಲ್ಲೆ.
21. ಭಾರತದ ಅತಿ ಹೆಚ್ಚು ಚಿನ್ನ ಉತ್ಪಾದನೆಯ ಗಣಿ ಯಾವುದು?
ಉತ್ತರ: ಹಟ್ಟಿ ಚಿನ್ನದ ಗಣಿ.
22. ಕನ್ನಡದ ಪ್ರಥಮ ವ್ಯಾಕರಣ ಗ್ರಂಥ ಯಾವುದು?
ಉತ್ತರ: ಶಬ್ದಮಣಿದರ್ಪಣ.
23. ಶಬ್ದಮಣಿದರ್ಪಣವನ್ನು ರಚಿಸಿದವರು ಯಾರು?
ಉತ್ತರ: ಕೇಶೀರಾಜ.
24. ಕನ್ನಡದ ಮೂರು ರತ್ನತ್ರಯರು ಯಾರು?
ಉತ್ತರ: ಪಂಪ, ಪೊನ್ನ, ರನ್ನ.
25. ವಿಕ್ರಮಾರ್ಜುನವಿಜಯ ಕಾವ್ಯವನ್ನು ರಚಿಸಿದವರು ಯಾರು?
ಉತ್ತರ: ಆದಿಕವಿ ಪಂಪ.
26. ವಚನ ಚಳವಳಿಯ ಕೇಂದ್ರ ಯಾವುದು?
ಉತ್ತರ: ಕಲ್ಯಾಣ.
27. ವಚನ ಚಳವಳಿಯ ಪ್ರಮುಖ ನಾಯಕ ಯಾರು?
ಉತ್ತರ: ಬಸವಣ್ಣ.
28. ದಾಸ ಸಾಹಿತ್ಯದ ತವರೂರು ಯಾವ ಜಿಲ್ಲೆ?
ಉತ್ತರ: ರಾಯಚೂರು.
29. ದಾಸಕೂಟವನ್ನು ರೂಪಿಸಿದವರು ಯಾರು?
ಉತ್ತರ: ಶ್ರೀ ವ್ಯಾಸರಾಯರು.
30. ಕರ್ನಾಟಕ ಸಂಗೀತದ ಪಿತಾಮಹ ಯಾರು?
ಉತ್ತರ: ಪುರಂದರದಾಸರು.
31. ಬೀದರ್ ಜಿಲ್ಲೆಯ ಪ್ರಸಿದ್ಧ ಕಲೆ ಯಾವುದು?
ಉತ್ತರ: ಬಿದರಿ ಕಲೆ.
32. ಕಿನ್ನಾಳದ ಗೊಂಬೆಗಳು ಯಾವ ಜಿಲ್ಲೆಯ ಪ್ರಸಿದ್ಧ ಕಲೆ?
ಉತ್ತರ: ಕೊಪ್ಪಳ ಜಿಲ್ಲೆ.
33. ಗುಲಬರ್ಗಾ ವಿಶ್ವವಿದ್ಯಾಲಯ ಯಾವ ನಗರದಲ್ಲಿದೆ?
ಉತ್ತರ: ಕಲಬುರಗಿ.
34. ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ ಎಲ್ಲಿದೆ?
ಉತ್ತರ: ಕಲಬುರಗಿ.
35. ಕನ್ನಡ ವಿಶ್ವವಿದ್ಯಾಲಯ ಎಲ್ಲಿದೆ?
ಉತ್ತರ: ಹಂಪಿ.
36. ಪಶು ಸಂಗೋಪನಾ ಮತ್ತು ಮೀನುಗಾರಿಕೆ ವಿಶ್ವವಿದ್ಯಾಲಯ ಎಲ್ಲಿದೆ?
ಉತ್ತರ: ಬೀದರ್.
37. ರಾಯಚೂರು ಕೃಷಿ ವಿಶ್ವವಿದ್ಯಾಲಯ ಎಲ್ಲಿದೆ?
ಉತ್ತರ: ರಾಯಚೂರು.
38. ಗವಿಸಿದ್ದೇಶ್ವರ ಮಠ ಯಾವ ಜಿಲ್ಲೆಯಲ್ಲಿದೆ?
ಉತ್ತರ: ಕೊಪ್ಪಳ.
39. ಕಲಬುರಗಿಯ ಪ್ರಸಿದ್ಧ ದರ್ಗಾ ಯಾವುದು?
ಉತ್ತರ: ಖ್ವಾಜಾ ಬಂದೇನವಾಜ್ ದರ್ಗಾ.
40. ಕಲಬುರಗಿಯ ಪ್ರಸಿದ್ಧ ಬೌದ್ಧ ಸ್ಮಾರಕ ಯಾವುದು?
ಉತ್ತರ: ಬುದ್ಧ ವಿಹಾರ.
Kalaburagi Division Karnataka 2026: ಕಲಬುರಗಿ ವಿಭಾಗ – 2 ಅಂಕ ಪ್ರಶ್ನೋತ್ತರಗಳು
1. ಕಲಬುರಗಿ ವಿಭಾಗದ Kalaburagi Division Karnataka 2026 ಜಿಲ್ಲೆಗಳ ಹೆಸರುಗಳನ್ನು ಬರೆಯಿರಿ.
ಉತ್ತರ: ಕಲಬುರಗಿ, ಬೀದರ್, ಯಾದಗಿರಿ, ರಾಯಚೂರು, ಕೊಪ್ಪಳ, ಬಳ್ಳಾರಿ ಮತ್ತು ವಿಜಯನಗರ.
2. ಕಲಬುರಗಿ ವಿಭಾಗದಲ್ಲಿ ಹೊಸದಾಗಿ ರಚಿಸಲಾದ ಜಿಲ್ಲೆಗಳು ಯಾವುವು?
ಉತ್ತರ: ಕೊಪ್ಪಳ (1997), ಯಾದಗಿರಿ (2009) ಮತ್ತು ವಿಜಯನಗರ (2021) ಜಿಲ್ಲೆಗಳು ಹೊಸದಾಗಿ ರಚಿಸಲಾದ ಜಿಲ್ಲೆಗಳಾಗಿವೆ.
3. ರಾಷ್ಟ್ರಕೂಟರ ಆಳ್ವಿಕೆಯ ಬಗ್ಗೆ ಬರೆಯಿರಿ.
ಉತ್ತರ: ರಾಷ್ಟ್ರಕೂಟರು ಕ್ರಿ.ಶ. 8ನೇ ಶತಮಾನದಲ್ಲಿ ಈ ಪ್ರದೇಶವನ್ನು ಆಳಿದರು. ಅವರ ರಾಜಧಾನಿ ಮಾನ್ಯಖೇಟ (ಇಂದಿನ ಮಳಖೇಡ) ಕಲಬುರಗಿ ಜಿಲ್ಲೆಯಲ್ಲಿತ್ತು.
4. ಕಲ್ಯಾಣ ಚಾಲುಕ್ಯರ ಕುರಿತು ಸಂಕ್ಷಿಪ್ತವಾಗಿ ಬರೆಯಿರಿ.
ಉತ್ತರ: ರಾಷ್ಟ್ರಕೂಟರ ನಂತರ ಕಲ್ಯಾಣ ಚಾಲುಕ್ಯರು ಈ ಪ್ರದೇಶವನ್ನು ಆಳಿದರು. ಅವರ ರಾಜಧಾನಿ ಬಸವಕಲ್ಯಾಣವಾಗಿತ್ತು.
5. ಹೈದರಾಬಾದ್ ಕರ್ನಾಟಕ ವಿಮೋಚನಾ ಹೋರಾಟದ ಕುರಿತು ಬರೆಯಿರಿ.
ಉತ್ತರ: ನಿಜಾಮನ ಆಳ್ವಿಕೆಯಿಂದ ಮುಕ್ತಿ ಪಡೆಯಲು ಜನರು ಹೋರಾಟ ನಡೆಸಿದರು. ಈ ಹೋರಾಟಕ್ಕೆ ಸ್ವಾಮಿ ರಮಾನಂದ ತೀರ್ಥರು ನೇತೃತ್ವ ವಹಿಸಿದ್ದರು.
6. ಕಲಬುರಗಿ ವಿಭಾಗದ ಪ್ರಮುಖ ನದಿಗಳನ್ನು ಬರೆಯಿರಿ.
ಉತ್ತರ: ಭೀಮ, ತುಂಗಭದ್ರ, ಕೃಷ್ಣ, ಮುಲ್ಲಾಮಾರಿ ಮತ್ತು ಬೆಣ್ಣೆತೊರ ನದಿಗಳು ಪ್ರಮುಖವಾಗಿವೆ.
7. ಕಲಬುರಗಿ ವಿಭಾಗದಲ್ಲಿ ದೊರೆಯುವ ಪ್ರಮುಖ ಖನಿಜಗಳನ್ನು ಬರೆಯಿರಿ.
ಉತ್ತರ: ಕಬ್ಬಿಣದ ಅದಿರು, ಸುಣ್ಣಕಲ್ಲು, ಮ್ಯಾಂಗನೀಸ್, ಚಿನ್ನ, ಸಿಲಿಕ ಮತ್ತು ಗ್ರಾನೈಟ್ ಶಿಲೆಗಳು ದೊರೆಯುತ್ತವೆ.
8. ಕಲಬುರಗಿ ವಿಭಾಗದ ಪ್ರಮುಖ ಅಣೆಕಟ್ಟುಗಳನ್ನು ಬರೆಯಿರಿ.
ಉತ್ತರ: ತುಂಗಭದ್ರಾ ಅಣೆಕಟ್ಟು, ಬಸವಸಾಗರ ಅಣೆಕಟ್ಟು ಮತ್ತು ಕಾರಂಜಾ ಅಣೆಕಟ್ಟು ಪ್ರಮುಖವಾಗಿವೆ.
9. ದರೋಜಿ ಕರಡಿ ಧಾಮದ ಬಗ್ಗೆ ಬರೆಯಿರಿ.
ಉತ್ತರ: ದರೋಜಿ ಕರಡಿ ಧಾಮವು ಬಳ್ಳಾರಿ ಜಿಲ್ಲೆಯಲ್ಲಿ ಇದೆ. ಇಲ್ಲಿ ಕರಡಿಗಳು ಮತ್ತು ಇತರೆ ವನ್ಯಮೃಗಗಳು ಕಂಡು ಬರುತ್ತವೆ.
10. ಹಟ್ಟಿ ಚಿನ್ನದ ಗಣಿ ಕುರಿತು ಬರೆಯಿರಿ.
ಉತ್ತರ: ಹಟ್ಟಿ ಚಿನ್ನದ ಗಣಿ ರಾಯಚೂರು ಜಿಲ್ಲೆಯಲ್ಲಿ ಇದೆ. ಇದು ಭಾರತದಲ್ಲಿ ಅತಿ ಹೆಚ್ಚು ಚಿನ್ನ ಉತ್ಪಾದಿಸುವ ಗಣಿಯಾಗಿದೆ.
11. ವಚನ ಚಳವಳಿಯ ಕುರಿತು ಬರೆಯಿರಿ.
ಉತ್ತರ: 12ನೇ ಶತಮಾನದಲ್ಲಿ ಬಸವಣ್ಣನವರ ನೇತೃತ್ವದಲ್ಲಿ ವಚನ ಚಳವಳಿ ನಡೆದಿತು. ಇದು ಸಮಾಜ ಸುಧಾರಣೆಯ ಚಳವಳಿಯಾಗಿತ್ತು.
12. ದಾಸ ಸಾಹಿತ್ಯದ ಕುರಿತು ಬರೆಯಿರಿ.
ಉತ್ತರ: ದಾಸ ಸಾಹಿತ್ಯವು ಭಕ್ತಿಪರ ಸಾಹಿತ್ಯವಾಗಿದೆ. ಪುರಂದರದಾಸರು, ಕನಕದಾಸರು ಮುಂತಾದವರು ಇದರಲ್ಲಿ ಪ್ರಮುಖರು.
13. ಕಲಬುರಗಿ ವಿಭಾಗದ ಪ್ರಮುಖ ಪ್ರವಾಸಿ ಸ್ಥಳಗಳನ್ನು ಬರೆಯಿರಿ.
ಉತ್ತರ: ಹಂಪಿ, ತುಂಗಭದ್ರ ಅಣೆಕಟ್ಟು, ಸನ್ನತಿ, ಬೀದರ್ ಕೋಟೆ, ಬಸವಕಲ್ಯಾಣ ಮತ್ತು ಹಟ್ಟಿ ಚಿನ್ನದ ಗಣಿ ಪ್ರಮುಖ ಪ್ರವಾಸಿ ಸ್ಥಳಗಳಾಗಿವೆ.
14. ಕಲಬುರಗಿ ವಿಭಾಗದ ಪ್ರಮುಖ ಕೈಗಾರಿಕೆಗಳನ್ನು ಬರೆಯಿರಿ.
ಉತ್ತರ: ಕಬ್ಬಿಣ ಮತ್ತು ಉಕ್ಕು ಕೈಗಾರಿಕೆ, ಸಕ್ಕರೆ ಕೈಗಾರಿಕೆ, ಸಿಮೆಂಟ್ ಕೈಗಾರಿಕೆ ಮತ್ತು ವಿದ್ಯುತ್ ಉತ್ಪಾದನಾ ಕೈಗಾರಿಕೆಗಳು ಪ್ರಮುಖವಾಗಿವೆ.
15. ಕಲಬುರಗಿ ವಿಭಾಗದ Kalaburagi Division Karnataka 2026ಶಿಕ್ಷಣ ಸಂಸ್ಥೆಗಳ ಬಗ್ಗೆ ಬರೆಯಿರಿ.
ಉತ್ತರ: ಗುಲಬರ್ಗಾ ವಿಶ್ವವಿದ್ಯಾಲಯ, ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ, ರಾಯಚೂರು ಕೃಷಿ ವಿಶ್ವವಿದ್ಯಾಲಯ ಮತ್ತು ಹಂಪಿಯ ಕನ್ನಡ ವಿಶ್ವವಿದ್ಯಾಲಯ ಈ ವಿಭಾಗದಲ್ಲಿವೆ.
Kalaburagi Division Karnataka 2026: ಕಲಬುರಗಿ ವಿಭಾಗ – 3 ಅಂಕ ಪ್ರಶ್ನೋತ್ತರಗಳು
1. ಕಲಬುರಗಿ ವಿಭಾಗದ ಜಿಲ್ಲೆಗಳು ಮತ್ತು ಅವುಗಳ ರಚನೆಯ ಕುರಿತು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗದಲ್ಲಿ ಒಟ್ಟು 7 ಜಿಲ್ಲೆಗಳಿವೆ. ಅವುಗಳೆಂದರೆ ಕಲಬುರಗಿ, ಬೀದರ್, ಯಾದಗಿರಿ, ರಾಯಚೂರು, ಕೊಪ್ಪಳ, ಬಳ್ಳಾರಿ ಮತ್ತು ವಿಜಯನಗರ. ಆರಂಭದಲ್ಲಿ ಈ ವಿಭಾಗದಲ್ಲಿ ನಾಲ್ಕು ಜಿಲ್ಲೆಗಳಿದ್ದವು. 1997ರಲ್ಲಿ ರಾಯಚೂರು ಜಿಲ್ಲೆಯನ್ನು ವಿಭಜಿಸಿ ಕೊಪ್ಪಳ ಜಿಲ್ಲೆಯನ್ನು ರಚಿಸಲಾಯಿತು. 2009ರಲ್ಲಿ ಕಲಬುರಗಿ ಜಿಲ್ಲೆಯನ್ನು ವಿಭಜಿಸಿ ಯಾದಗಿರಿ ಜಿಲ್ಲೆಯನ್ನು ರಚಿಸಲಾಯಿತು. 2021ರಲ್ಲಿ ಬಳ್ಳಾರಿ ಜಿಲ್ಲೆಯನ್ನು ವಿಭಜಿಸಿ ವಿಜಯನಗರ ಜಿಲ್ಲೆಯನ್ನು ರಚಿಸಲಾಯಿತು.
2. ಕಲಬುರಗಿ ವಿಭಾಗದ ಚಾರಿತ್ರಿಕ ಹಿನ್ನೆಲೆಯನ್ನು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗವು ಶ್ರೀಮಂತವಾದ ಚಾರಿತ್ರಿಕ ಪರಂಪರೆಯನ್ನು ಹೊಂದಿದೆ. ಈ ಪ್ರದೇಶವು ಮೌರ್ಯರು ಮತ್ತು ಶಾತವಾಹನರ ಆಳ್ವಿಕೆಗೆ ಒಳಪಟ್ಟಿತ್ತು. ಅಶೋಕನ ಶಿಲಾಶಾಸನಗಳು ಮತ್ತು ಬೌದ್ಧ ಸ್ತೂಪಗಳು ಇಲ್ಲಿ ಕಂಡುಬರುತ್ತವೆ. ನಂತರ ರಾಷ್ಟ್ರಕೂಟರು, ಕಲ್ಯಾಣ ಚಾಲುಕ್ಯರು, ವಿಜಯನಗರ ಸಾಮ್ರಾಜ್ಯ ಮತ್ತು ಬಹಮನಿ ಅರಸರು ಈ ಪ್ರದೇಶವನ್ನು ಆಳಿದರು. ನಂತರ ಈ ಪ್ರದೇಶವು ಹೈದರಾಬಾದ್ ನಿಜಾಮನ ಆಳ್ವಿಕೆಗೆ ಸೇರಿತು. 1948ರಲ್ಲಿ ನಿಜಾಮ್ ಸಂಸ್ಥಾನ ಭಾರತಕ್ಕೆ ವಿಲೀನಗೊಂಡಿತು.
3. ಹೈದರಾಬಾದ್ ಕರ್ನಾಟಕ ವಿಮೋಚನಾ ಹೋರಾಟವನ್ನು ವಿವರಿಸಿ.
ಉತ್ತರ: ಭಾರತಕ್ಕೆ ಸ್ವಾತಂತ್ರ್ಯ ಬಂದ ನಂತರವೂ ಹೈದರಾಬಾದ್ ನಿಜಾಮನು ತನ್ನ ಸಂಸ್ಥಾನವನ್ನು ಭಾರತಕ್ಕೆ ವಿಲೀನಗೊಳಿಸಲು ಸಿದ್ಧನಿರಲಿಲ್ಲ. ಇದರಿಂದ ಜನರು ನಿಜಾಮ್ ಆಡಳಿತದ ವಿರುದ್ಧ ಹೋರಾಟ ಆರಂಭಿಸಿದರು. ಈ ಹೋರಾಟಕ್ಕೆ ಸ್ವಾಮಿ ರಮಾನಂದ ತೀರ್ಥರು ನೇತೃತ್ವ ನೀಡಿದರು. ರಜಾಕಾರರ ವಿರುದ್ಧ ಜನರು ತೀವ್ರ ಹೋರಾಟ ನಡೆಸಿದರು. ಕೊನೆಗೆ ಸೆಪ್ಟೆಂಬರ್ 17, 1948ರಂದು ನಿಜಾಮ್ ಸಂಸ್ಥಾನ ಭಾರತಕ್ಕೆ ವಿಲೀನಗೊಂಡಿತು.(Kalaburagi Division Karnataka 2026)
4. ಕಲಬುರಗಿ ವಿಭಾಗದ ಪ್ರಾಕೃತಿಕ ಸಂಪನ್ಮೂಲಗಳನ್ನು ವಿವರಿಸಿ.
ಉತ್ತರ: ಈ ವಿಭಾಗದಲ್ಲಿ ಭೀಮ, ತುಂಗಭದ್ರ ಮತ್ತು ಕೃಷ್ಣ ನದಿಗಳು ಪ್ರಮುಖವಾಗಿವೆ. ಇಲ್ಲಿ ಕೆಂಪು, ಕಪ್ಪು ಮತ್ತು ಮೆಕ್ಕಲು ಮಣ್ಣು ದೊರೆಯುತ್ತದೆ. ಕಬ್ಬಿಣದ ಅದಿರು, ಮ್ಯಾಂಗನೀಸ್, ಸುಣ್ಣಕಲ್ಲು, ಚಿನ್ನ ಮತ್ತು ಗ್ರಾನೈಟ್ ಮುಂತಾದ ಖನಿಜ ಸಂಪತ್ತು ದೊರೆಯುತ್ತದೆ. ತುಂಗಭದ್ರಾ, ಬಸವಸಾಗರ ಮತ್ತು ಕಾರಂಜಾ ಅಣೆಕಟ್ಟುಗಳು ಕೃಷಿಗೆ ನೀರಾವರಿ ಒದಗಿಸುತ್ತವೆ.
5. ಕಲಬುರಗಿ ವಿಭಾಗದ ಕೃಷಿ ಮತ್ತು ಕೈಗಾರಿಕೆಗಳ ಬಗ್ಗೆ ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗದಲ್ಲಿ ಕೃಷಿಯೇ ಜನರ ಮುಖ್ಯ ಉದ್ಯೋಗವಾಗಿದೆ. ಇಲ್ಲಿ ಮಳೆಯ ಪ್ರಮಾಣ ಕಡಿಮೆ ಇರುವುದರಿಂದ ಮಳೆಆಧಾರಿತ ಕೃಷಿ ಮಾಡಲಾಗುತ್ತದೆ. ಭತ್ತ, ಜೋಳ, ಹತ್ತಿ, ತೊಗರಿ, ನವಣೆ ಮತ್ತು ಕುಸುಬೆ ಪ್ರಮುಖ ಬೆಳೆಗಳಾಗಿವೆ. ಕಬ್ಬಿಣ ಮತ್ತು ಉಕ್ಕು ಕೈಗಾರಿಕೆ, ಸಿಮೆಂಟ್ ಕೈಗಾರಿಕೆ, ಸಕ್ಕರೆ ಕೈಗಾರಿಕೆ ಮತ್ತು ವಿದ್ಯುತ್ ಉತ್ಪಾದನಾ ಕೇಂದ್ರಗಳು ಪ್ರಮುಖ ಕೈಗಾರಿಕೆಗಳಾಗಿವೆ.
6. ಕಲಬುರಗಿ ವಿಭಾಗದ ಕಲೆ ಮತ್ತು ಸಾಹಿತ್ಯದ ಕುರಿತು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗವು ಕಲೆ ಮತ್ತು ಸಾಹಿತ್ಯದಲ್ಲಿ ಶ್ರೀಮಂತವಾಗಿದೆ. ಪಂಪ, ಪೊನ್ನ ಮತ್ತು ರನ್ನ ಕನ್ನಡದ ರತ್ನತ್ರಯರು ಈ ಪ್ರದೇಶಕ್ಕೆ ಸೇರಿದವರು. ಬಸವಣ್ಣನವರ ನೇತೃತ್ವದಲ್ಲಿ ವಚನ ಚಳವಳಿ ಕಲ್ಯಾಣದಲ್ಲಿ ಬೆಳೆಯಿತು. ದಾಸ ಸಾಹಿತ್ಯವೂ ಈ ಪ್ರದೇಶದಲ್ಲಿ ಅಭಿವೃದ್ಧಿಯಾಯಿತು. ಬೀದರ್ನ ಬಿದರಿ ಕಲೆ ಮತ್ತು ಕಿನ್ನಾಳದ ಗೊಂಬೆಗಳು ಪ್ರಸಿದ್ಧವಾಗಿವೆ.
7. ಕಲಬುರಗಿ ವಿಭಾಗದ ಶಿಕ್ಷಣ ಸಂಸ್ಥೆಗಳ ಬಗ್ಗೆ ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗದಲ್ಲಿ ಹಲವು ಪ್ರಮುಖ ಶಿಕ್ಷಣ ಸಂಸ್ಥೆಗಳಿವೆ. ಕಲಬುರಗಿಯಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯ ಮತ್ತು ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯವಿದೆ. ರಾಯಚೂರಿನಲ್ಲಿ ಕೃಷಿ ವಿಶ್ವವಿದ್ಯಾಲಯವಿದೆ. ಹಂಪಿಯಲ್ಲಿ ಕನ್ನಡ ವಿಶ್ವವಿದ್ಯಾಲಯವಿದೆ. ಬೀದರ್ನಲ್ಲಿ ಪಶು ಸಂಗೋಪನಾ ಮತ್ತು ಮೀನುಗಾರಿಕೆ ವಿಶ್ವವಿದ್ಯಾಲಯವಿದೆ.
8. ಕಲಬುರಗಿ ವಿಭಾಗದ ಪ್ರವಾಸೋದ್ಯಮದ ಕುರಿತು ವಿವರಿಸಿ.
ಉತ್ತರ: ಈ ವಿಭಾಗದಲ್ಲಿ ಹಲವು ಪ್ರಮುಖ ಪ್ರವಾಸಿ ತಾಣಗಳಿವೆ. ವಿಜಯನಗರ ಜಿಲ್ಲೆಯ ಹಂಪಿ ವಿಶ್ವ ಪ್ರಸಿದ್ಧ ತಾಣವಾಗಿದೆ. ತುಂಗಭದ್ರಾ ಅಣೆಕಟ್ಟು, ಬೀದರ್ ಕೋಟೆ, ಬಸವಕಲ್ಯಾಣ, ಸನ್ನತಿ ಮತ್ತು ಹಟ್ಟಿ ಚಿನ್ನದ ಗಣಿ ಪ್ರಮುಖ ಪ್ರವಾಸಿ ಕೇಂದ್ರಗಳಾಗಿವೆ.
Kalaburagi Division Karnataka 2026: ಕಲಬುರಗಿ ವಿಭಾಗ – 5 ಅಂಕ ಪ್ರಶ್ನೋತ್ತರಗಳು
1. ಕಲಬುರಗಿ ವಿಭಾಗದ ಚಾರಿತ್ರಿಕ ಹಿನ್ನೆಲೆಯನ್ನು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗವು ಶ್ರೀಮಂತವಾದ ಚಾರಿತ್ರಿಕ ಪರಂಪರೆಯನ್ನು ಹೊಂದಿದೆ. ಇತಿಹಾಸಪೂರ್ವ ಕಾಲದ ಅವಶೇಷಗಳು ಈ ಪ್ರದೇಶದಲ್ಲಿ ದೊರೆಯುತ್ತವೆ. ಆರಂಭದಲ್ಲಿ ಈ ಪ್ರದೇಶವು ಮೌರ್ಯರು ಮತ್ತು ಶಾತವಾಹನರ ಆಳ್ವಿಕೆಗೆ ಒಳಪಟ್ಟಿತ್ತು. ಅಶೋಕನ ಶಿಲಾಶಾಸನಗಳು ಮತ್ತು ಬೌದ್ಧ ಸ್ತೂಪಗಳು ಸನ್ನತಿಯಲ್ಲಿ ಕಂಡುಬರುತ್ತವೆ. ನಂತರ ರಾಷ್ಟ್ರಕೂಟರು ಈ ಪ್ರದೇಶವನ್ನು ಆಳಿದರು ಮತ್ತು ಅವರ ರಾಜಧಾನಿ ಮಾನ್ಯಖೇಟ (ಮಳಖೇಡ) ಆಗಿತ್ತು. ನಂತರ ಕಲ್ಯಾಣ ಚಾಲುಕ್ಯರು ಬಸವಕಲ್ಯಾಣವನ್ನು ರಾಜಧಾನಿಯಾಗಿ ಮಾಡಿಕೊಂಡು ಆಳಿದರು. ವಿಜಯನಗರ ಸಾಮ್ರಾಜ್ಯದ ಕಾಲದಲ್ಲಿ ಹಂಪಿ ರಾಜಧಾನಿಯಾಗಿತ್ತು. ಮಧ್ಯಯುಗದಲ್ಲಿ ಬಹಮನಿ ಅರಸರು ಕಲಬುರಗಿಯನ್ನು ರಾಜಧಾನಿಯಾಗಿ ಮಾಡಿಕೊಂಡು ಆಳಿದರು. ನಂತರ ಈ ಪ್ರದೇಶವು ಹೈದರಾಬಾದ್ ನಿಜಾಮನ ಆಳ್ವಿಕೆಗೆ ಒಳಪಟ್ಟಿತು. 1948ರಲ್ಲಿ ನಿಜಾಮ್ ಸಂಸ್ಥಾನ ಭಾರತಕ್ಕೆ ವಿಲೀನಗೊಂಡಿತು ಮತ್ತು 1956ರಲ್ಲಿ ರಾಜ್ಯ ಪುನರ್ವಿಂಗಡಣೆಯ ನಂತರ ಈ ಪ್ರದೇಶ ಕರ್ನಾಟಕ ರಾಜ್ಯಕ್ಕೆ ಸೇರಿತು.
2. ಹೈದರಾಬಾದ್ ಕರ್ನಾಟಕ ವಿಮೋಚನಾ ಹೋರಾಟವನ್ನು ವಿವರಿಸಿ.
ಉತ್ತರ: ಭಾರತಕ್ಕೆ 1947ರಲ್ಲಿ ಸ್ವಾತಂತ್ರ್ಯ ಬಂದ ನಂತರವೂ ಹೈದರಾಬಾದ್ ನಿಜಾಮನು ತನ್ನ ಸಂಸ್ಥಾನವನ್ನು ಭಾರತ ಗಣರಾಜ್ಯದಲ್ಲಿ ವಿಲೀನಗೊಳಿಸಲು ಸಿದ್ಧನಿರಲಿಲ್ಲ. ಇದರಿಂದ ಜನರಲ್ಲಿ ಅಸಮಾಧಾನ ಉಂಟಾಯಿತು ಮತ್ತು ನಿಜಾಮ್ ಆಡಳಿತದ ವಿರುದ್ಧ ಹೋರಾಟ ಆರಂಭವಾಯಿತು. ಈ ಹೋರಾಟಕ್ಕೆ ಸ್ವಾಮಿ ರಮಾನಂದ ತೀರ್ಥರು ನೇತೃತ್ವ ನೀಡಿದರು. ಸರದಾರ್ ಶರಣಗೌಡ ಇನಾಂದಾರ್, ಶಿವಮೂರ್ತಿ ಅಳವಂಡಿ, ಶಿರೂರು ವೀರಭದ್ರಪ್ಪ ಮುಂತಾದವರು ಈ ಹೋರಾಟದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ನಿಜಾಮನ ಖಾಸಗಿ ಸೈನ್ಯವಾದ ರಜಾಕಾರರು ಜನರ ಮೇಲೆ ಹಿಂಸೆ ನಡೆಸಿದರು. ಇದರಿಂದ ಜನರು ತೀವ್ರ ವಿರೋಧ ವ್ಯಕ್ತಪಡಿಸಿದರು. ಕೊನೆಗೆ ಕೇಂದ್ರ ಸರ್ಕಾರ ಕ್ರಮ ಕೈಗೊಂಡು ಸೆಪ್ಟೆಂಬರ್ 17, 1948ರಂದು ನಿಜಾಮ್ ಸಂಸ್ಥಾನವನ್ನು ಭಾರತ ಗಣರಾಜ್ಯದಲ್ಲಿ ವಿಲೀನಗೊಳಿಸಿತು. ಈ ಕಾರ್ಯಾಚರಣೆಗೆ ಗೃಹಸಚಿವರಾಗಿದ್ದ ಸರ್ದಾರ್ ವಲ್ಲಭಭಾಯಿ ಪಟೇಲರು ಪ್ರಮುಖ ಪಾತ್ರ ವಹಿಸಿದರು.(Kalaburagi Division Karnataka 2026)
3. ಕಲಬುರಗಿ ವಿಭಾಗದ ಪ್ರಾಕೃತಿಕ ಸಂಪನ್ಮೂಲಗಳನ್ನು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗವು ವಿವಿಧ ಪ್ರಾಕೃತಿಕ ಸಂಪನ್ಮೂಲಗಳಿಂದ ಸಮೃದ್ಧವಾಗಿದೆ. ಈ ವಿಭಾಗದ ಪ್ರಮುಖ ನದಿಗಳು ಭೀಮ, ತುಂಗಭದ್ರ ಮತ್ತು ಕೃಷ್ಣ. ಈ ನದಿಗಳು ಕೃಷಿಗೆ ನೀರಾವರಿ ಒದಗಿಸುತ್ತವೆ. ಕೆಂಪು, ಕಪ್ಪು ಮತ್ತು ಮೆಕ್ಕಲು ಮಣ್ಣು ಇಲ್ಲಿ ದೊರೆಯುತ್ತದೆ. ಈ ವಿಭಾಗದಲ್ಲಿ ಕಬ್ಬಿಣದ ಅದಿರು, ಮ್ಯಾಂಗನೀಸ್, ಸುಣ್ಣಕಲ್ಲು, ಚಿನ್ನ, ಸಿಲಿಕ ಮತ್ತು ಗ್ರಾನೈಟ್ ಮುಂತಾದ ಖನಿಜ ಸಂಪತ್ತು ದೊರೆಯುತ್ತದೆ. ತುಂಗಭದ್ರಾ ಅಣೆಕಟ್ಟು ಬಳ್ಳಾರಿ ಮತ್ತು ವಿಜಯನಗರ ಜಿಲ್ಲೆಗಳಿಗೆ ನೀರಾವರಿ ಒದಗಿಸುತ್ತದೆ. ಬಸವಸಾಗರ ಅಣೆಕಟ್ಟು ರಾಯಚೂರು ಮತ್ತು ಯಾದಗಿರಿ ಜಿಲ್ಲೆಗಳ ಕೃಷಿಗೆ ಸಹಕಾರಿಯಾಗಿದೆ. ಕಾರಂಜಾ ಯೋಜನೆ ಬೀದರ್ ಜಿಲ್ಲೆಯ ಕೃಷಿಗೆ ನೀರಾವರಿ ಒದಗಿಸುತ್ತದೆ.
4. ಕಲಬುರಗಿ ವಿಭಾಗದ ಕೃಷಿ ಮತ್ತು ಕೈಗಾರಿಕೆಗಳ ಬಗ್ಗೆ ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗದಲ್ಲಿ ಕೃಷಿಯೇ ಜನರ ಮುಖ್ಯ ಉದ್ಯೋಗವಾಗಿದೆ. ಇಲ್ಲಿ ಮಳೆಯ ಪ್ರಮಾಣ ಕಡಿಮೆ ಇರುವುದರಿಂದ ಮಳೆಯ ಮೇಲೆ ಅವಲಂಬಿತ ಕೃಷಿ ನಡೆಯುತ್ತದೆ. ಭತ್ತ, ಜೋಳ, ಹತ್ತಿ, ತೊಗರಿ, ನವಣೆ, ಕುಸುಬೆ ಮತ್ತು ಹುರುಳಿ ಪ್ರಮುಖ ಬೆಳೆಗಳಾಗಿವೆ. ಕಬ್ಬು ಪ್ರಮುಖ ವಾಣಿಜ್ಯ ಬೆಳೆ ಆಗಿದೆ. ಈ ವಿಭಾಗದಲ್ಲಿ ಕಬ್ಬಿಣ ಮತ್ತು ಉಕ್ಕು ಕೈಗಾರಿಕೆಗಳು ಬಳ್ಳಾರಿ ಜಿಲ್ಲೆಯಲ್ಲಿ ಅಭಿವೃದ್ಧಿಯಾಗಿದೆ. ಕಲಬುರಗಿ ಮತ್ತು ಯಾದಗಿರಿ ಜಿಲ್ಲೆಗಳಲ್ಲಿ ಸಿಮೆಂಟ್ ಕೈಗಾರಿಕೆಗಳಿವೆ. ಸಕ್ಕರೆ ಕಾರ್ಖಾನೆಗಳು ಮತ್ತು ವಿದ್ಯುತ್ ಉತ್ಪಾದನಾ ಕೇಂದ್ರಗಳೂ ಇಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಈ ಕೈಗಾರಿಕೆಗಳು ಸ್ಥಳೀಯ ಜನರಿಗೆ ಉದ್ಯೋಗಾವಕಾಶಗಳನ್ನು ಒದಗಿಸುತ್ತವೆ.
5. ಕಲಬುರಗಿ ವಿಭಾಗದ ಕಲೆ, ಸಾಹಿತ್ಯ ಮತ್ತು ಸಂಸ್ಕೃತಿಯನ್ನು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗವು ಕಲೆ, ಸಾಹಿತ್ಯ ಮತ್ತು ಸಂಸ್ಕೃತಿಯಲ್ಲಿ ಶ್ರೀಮಂತವಾಗಿದೆ. ಕನ್ನಡದ ರತ್ನತ್ರಯರಾದ ಪಂಪ, ಪೊನ್ನ ಮತ್ತು ರನ್ನ ಈ ಪ್ರದೇಶಕ್ಕೆ ಸೇರಿದವರು. ಬಸವಣ್ಣನವರ ನೇತೃತ್ವದಲ್ಲಿ 12ನೇ ಶತಮಾನದಲ್ಲಿ ವಚನ ಚಳವಳಿ ಕಲ್ಯಾಣದಲ್ಲಿ ಬೆಳೆಯಿತು. ದಾಸ ಸಾಹಿತ್ಯವೂ ಈ ಪ್ರದೇಶದಲ್ಲಿ ಅಭಿವೃದ್ಧಿಯಾಯಿತು. ಪುರಂದರದಾಸರು, ಕನಕದಾಸರು ಮುಂತಾದವರು ಪ್ರಮುಖ ದಾಸರು. ಬೀದರ್ನ ಬಿದರಿ ಕಲೆ, ಕಿನ್ನಾಳದ ಗೊಂಬೆಗಳು ಮತ್ತು ಕೌದಿಗಳು ಪ್ರಸಿದ್ಧವಾಗಿವೆ. ಜನಪದ ಕಲೆಯಲ್ಲಿ ದೊಡ್ಡಾಟ, ಸಣ್ಣಾಟ, ತೊಗಲು ಗೊಂಬೆಯಾಟ, ನಂದಿ ಕುಣಿತ, ಕೋಲಾಟ ಮುಂತಾದವು ಪ್ರಸಿದ್ಧವಾಗಿವೆ.
6. ಕಲಬುರಗಿ ವಿಭಾಗದ ಶಿಕ್ಷಣ ಮತ್ತು ಆರೋಗ್ಯ ವ್ಯವಸ್ಥೆಯನ್ನು ವಿವರಿಸಿ.
ಉತ್ತರ: ಕಲಬುರಗಿ ವಿಭಾಗದಲ್ಲಿ ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರಗಳು ನಿಧಾನವಾಗಿ ಅಭಿವೃದ್ಧಿಯಾಗುತ್ತಿವೆ. ಕಲಬುರಗಿಯಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯ ಮತ್ತು ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯವಿದೆ. ರಾಯಚೂರಿನಲ್ಲಿ ಕೃಷಿ ವಿಶ್ವವಿದ್ಯಾಲಯವಿದೆ. ಹಂಪಿಯಲ್ಲಿ ಕನ್ನಡ ವಿಶ್ವವಿದ್ಯಾಲಯವಿದೆ. ಬೀದರ್ನಲ್ಲಿ ಪಶು ಸಂಗೋಪನಾ ಮತ್ತು ಮೀನುಗಾರಿಕೆ ವಿಶ್ವವಿದ್ಯಾಲಯವಿದೆ. ಬಳ್ಳಾರಿ, ಕಲಬುರಗಿ, ರಾಯಚೂರು ಮತ್ತು ಬೀದರ್ ಜಿಲ್ಲೆಗಳಲ್ಲಿ ವೈದ್ಯಕೀಯ ಕಾಲೇಜುಗಳಿವೆ. ಪ್ರತಿಯೊಂದು ಜಿಲ್ಲೆಯಲ್ಲಿ ಜಿಲ್ಲಾ ಆಸ್ಪತ್ರೆಗಳಿವೆ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಆರೋಗ್ಯ ಉಪಕೇಂದ್ರಗಳು ಕಾರ್ಯನಿರ್ವಹಿಸುತ್ತಿವೆ.
